मंगळवार, २२ फेब्रुवारी, २०११

तुला कसली रे एवढी घाई ?


आज सकाळी नेहमीप्रमाणे घाई घाई ने आवरले आणि निघालो तेव्हा बायकोने विचारले ... 
तुला कसली रे एवढी घाई ?

निघण्याची घाई, मला जगण्याची घाई ... 
आयुष्याची पाने मला उलटायची घाई 

हसायची घाई, मला रडायची घाई ...
चार पावले चालताच मला पडायची घाई

खायची घाई, मला पिण्याची घाई ...
कोणी काही देवो, मला घेण्याची घाई

जिंकायची घाई, मला हरायची घाई ...
कुठे जातो माहित नाही, पण धावायची घाई

भेटीची घाई, मला गाठीची घाई ...
ऐन तारुण्यातच मला साठीची घाई 

सवयीची घाई, मला सवयीची घाई ...
मरणाची घाई ... मला सरणाची घाई ... मला सरणाची घाई ...

३ टिप्पण्या:

Unknown म्हणाले...

अप्रतीम

Ravi म्हणाले...

भेटीची घाई, मला गाठीची घाई ...
ऐन तारुण्यातच मला साठीची
फार आवडली..
पण..
अती घाई जीव वाया जाई.. :)

Unknown म्हणाले...

झकास लिहीले आहे...