पाऊस
======
पावसाचे थेंब ओंजळीत साठवायाचीस तू ...
अन बेसावध एखाद्या क्षणी त्या ओंजळीत भिजवायाचीस तू ...
आता इतका सावध झालो ...
कि उगाच कधीच भिजत नाही ...
कितीही आभाळ काळवंडले
तरीहि मन तिथे थिजत नाही ...
आता पाऊस आला कि येते चीड ...
त्या गर्दीची ... त्या ट्राफिक ची ...
त्या चिखलाची ... त्या मातीची ...
त्या पाण्यात उड्या मारणाऱ्या पोराची ...
त्या रेडीओ वरच्या लताची ...
आणि सगळ्यात जास्त ... स्वताची ...
आता इतका सावध झालो ...
कि मनातल्या त्या कोपर्यातली तू ...
बेसावध क्षणी भिजवशील ...
या भीतीने ... उगाच तिथे थिजत नाही ...
मी पावसाच्या आणि पाऊस माझ्या
वाटेला आता जात नाही ....
- विश्वेश
४ टिप्पण्या:
Mastach!
khup mast :)
टिप्पणी पोस्ट करा